|igor.stamatovski_

Нов дом

2007-05-02T13:44:00.000+02:00

Nothing to see here anymore, move along to

http://www.iborn.net/igor

Thank you!

Ако го ослободите кодот...

2007-04-19T17:05:00.000+02:00

Q: What do you get if you open source World of Warcaft?

A: More ganking.

Здравиот разум е револтиран од оваа идеја

2007-04-16T00:18:00.000+02:00

Оваа доктрина нема свое место во модерниот свет. Воздушниот простор е јавен, како што тоа го одреди Конгресот. Ако тоа не беше токму така, секој оператор на воздушни летови ќе беше подложен на безбројни тужби за прекршоци. Здравиот разум е револтиран од оваа идеја.“

Цитат од „Слободна култура“ на Лоренс Лесиг.

Делува познато? Насетувате некоја сличност од денешниов модерен дигитален свет со овој пасус, кој се однесува на некои селани кои сакале да забранат прелети на авионите над нивните дворови, бидејќи наводно им умирале кокошките на почетокот на дваесеттиот век?
Чии „кокошки“ умираат денес?

Да не беше прексрасниот сервис за споделување на видеа JUBIto, никогаш немаше да го видам овој ултра кул и дозначително модерен видео спот на The Knife, за нумерата Silen Shout.

И уште еден, исто така одличен за феноменалната We share our mothers health.

За инат на сите оние што сакаат да го заразат со DRM и да забранат да се споделуваат аудио визуелни авторски дела.

Инаку албумот го симнав од www.torrentz.com, користејќи го Azureos бит-торент клиентот, и можам да кажам дека е феноменален. А уште една забелешка, тукушто ги додадов на мојата листа на бендови што сакам да ги посетам на концерт, заедно со Fisherspooner, Miss Kittin, The Hacker, Royksoop, Anthony Rother. Huh, долга станала листава одама на сум бил на добар концерт.

Нови пасоши (2)

2007-04-03T22:44:00.000+02:00

Еве серија на линков кои даваат една поинкава перспектива на тоа што точно значи пасош со бесконтактен чип.

Пасошот се базира на Radio Frequency Identification технологија, и во продолжение следат линковите и еден видео од you tube.

Среќа што за да отидеш до Белград, Србија не ти треба виза па сеуште не мораш да вадиш нов пасош ;-)

Нови пасоши (1)

2007-04-02T11:22:00.000+02:00

Владиниот сервис за услуги е побавен, од Министерството за внатрешни работи и од новинската агенција Макфакс.

Новите пасоши веќе започнаа да се издаваат, а владиниот сервис е неажуриран, бавен и дава неточни информации за потребните документи за вадење пасош.

Предупредување: Внимавајте кога го користите, и воопшто немојте да го користите. Ако владата сака да направи нешто на тоа поле ќе треба да го подобри сервисот, да го надгради или да го исклучи од употреба.

Ваков каков што е со застарени информации, не му помага никому. Дури некому може да му направи проблем.

Еве ги точните информации:
Цената на образецот за новите патни исправи ќе изнесува 1.500 денари, за дете до 4 години административната такса на уплатницата ќе изнесува 50 денари, за лица до 27 години 250 денари, а за лица над 27 години 500 денари.

До тогаш, а можеби и нешто подоцна

2007-03-28T23:34:00.000+02:00

Не ја следам македонската блогосфера нешто подолго од еден месец, отакако се случи позначајна преселба од на жители од блогерај. Не се агрегирани никаде посебно, а јас сум немал време да ги приберам во еден канал и да ги ставам во читачот на канали на Гугл. А, и се чувствува некој замор кај сите нив, барем мене ми изгледа така. Нејсе.

Госпоѓица Би ми го прати следново линкче, каде што некое фраерче (мислам дека е машко, ако е женско нека не ми замерува, иако се сомневам дека е) закачило слика од екранот од Mozilla Firefox на македонски со печатна грешка и наслов на постот „До кога бе вака“.

Е па, бидејќи се работи за проект базиран на слободен софтвер и софтвер со отворен код, одговорот е се додека секој човек не си ја земе судбината во свои раце. Само до тогаш.

Значи грешката се пријавува на http://bugs.softver.org.mk, кога ќе дојде следна верзија на Mozilla Firefox најверојатно 2.0.0.4 грешката ќе биде поправена. Локализацијата на македонската верзија Mozilla Firefox се базира исклучиво на волонтерска основа од страна на членовите на Слободен софтвер Македонија. Ако сакаш да помогнеш линкот погоре и барај, пријавувај грешки и тестирај. Најмалку што можеш да помогнеш е да закачуваш слики од екранот, наместо да прашуваш прашања што не заслужуваат одговор. Рајт? Лефт! Е толку. Едноставно? Лесно? Прашајте ги Новица, Дамјан...

Е сега, поправете грешка во преводот на Internet Explorer... Тоа е вистинскиот предизвик, зарем не.

Дополнување: На irc каналот #lugola, македонскиот тим задолжен за Мозила, веднаш ги провери преводите и заклучи дека грешката е одамна исправена. Серверите не Google сеуште не се ажурирани.

Инаку благодарение на Иван Стоев од Гевгелија, које е на студии во САД, преведенa е уште една софтверска алатка од семејството на Мозила, тоа е календарот Mozilla Sunbird сите оние што сакате да тестирате, пријавувате грешки и придонесувате повелете овде има тазе апликации за тестирање. А овде е нивниот статус. Немојте да хејтате без потреба.

Конечно добри вести за ИКТ

2007-03-26T23:52:00.000+02:00

Формиран новиот состав на комисија за информатичка технологија, известувањето за објавата во службен весник можете да ја прочитате кај Метаморфозис.

Мирослав Јовановиќ е новиот претседател на Комисијата за информатичка технологија. Еве неколку детали за него.

Честитки до Миро за наименувањето и успех во работата на КИТ. Не се сомневам дека слободниот софтвер ќе биде подеднакво застапен во сите сфери на јавната администрација, а мојот личен став е и дека треба да има преференцијален третман. Заедницата и Слободен софтвер Македонија се тука и се подготвени да помогнат.

Во секој случај сите нас не очекува мнгоу работа, бидејќи скоро година дена ништо немаше од
Комисијата за информатичка технологија. Ние имаме иницијативи со КИТ очекуваме успешна соработка.

П.С. Знаете дека вечер во Tочка имаме Сподели кино #2 со извонредниот The Codebreakers. Точка се наоѓа карши Соборната црква.

За инфраструктурните работи

2007-03-06T02:25:00.000+01:00

Во 2007 година патување со воз, од Скопје, Република Македонија до Сараево, Босна и Херцеговина трае ни помалку ни повеќе 33 часа и 31 минута.

Еве го и доказот . А за да случајно не умре url-то еве и сликичка.

П.С. Инаку во Сараево овој викенд ќе има razmjenavjestinа (сподели знаење по нашки), ако успееме да стигнеме, можеби и ќе учествуваме.
Значи сепак ништо не се променило од Јајце '44. '43.

Стратегии за стратегии за стратегии за стратегии за стратегии за стратегии за стратегии за стратегии за стратегии за стратегии за стратегии за ......

2007-02-23T11:05:00.000+01:00

Двете стратегии, Националната стратегија за развој на информатичкото општество и Национална стратегија за развој на електронските комуникации и информатички технологии, ќе бидат основа за изготвување стратегии кои подобро ќе ги дефинираат сите аспекти на информатичкото општество во Македонија.

Извадок од http://www.metamorphosis.org.mk/content/view/848/57/lang,mk/

Молчете за заштита на животната средина

2007-02-13T00:43:00.000+01:00

Опозициските партии потрошиле 600 000 страници хартија за бесмислени амандмани во Собранието на Република Македонија .

И кои се економските ефекти од ваков потфат?
Зошто ми ги потрошивте моите пари кои ги давам како граѓанин во буџетот. Камо отчет за ваквите неразумни постапки, со кои беспотребно уништија дрвја од кои се прави таа хартија, во името на „демократијата“?!?!?

*

Нека ви стои на чест!

Следниот пат, артикулирајте ги вашите политички ставови и хирови на поинаков и поинвентивен начин, можеби треба да се врзете за говорницата, или да смилите нешто со што ќе го жртвувате вашето тело, а не белите дробови на нашава за жал заедничка планета.

*Фотографијата е преземена од www.a1.com.mk

Поминаа 5-те минути

2007-02-01T20:11:00.000+01:00

Решив да направам експеримент и да ја послушам Bi, околу апелот.
Го исклучив компјутерот, телевизорот, сиситемот сите светилки и отидов да се прошетам низ дома, едно 5 мин. По 2 мин. ми стана здодевно, ама решив дека ќе издржам до крај. Издржав 10 мин.

Потоа повторно го вклучив компјутерот, системот, сијалицата, полначот за батерии за фото-апаратот, и го вклучив мобилниот пошто му се истрошила батеријата.

Заклучив дека не помага концептот на воздржување, мислам не помага и во други работи а камо ли кај електричната енергија.

Наместо концептот на воздржување треба да имплементираме технолошко-технички напредни решенија за производство и дистрибуција на електрична енергија. Еколошки домови и автомобили, треба научните достигнувања да ги имплемнетираме во индустријата и масовното производство, само тогаш можеме да постигнеме нешто. Со воздржување само ќе ја оддолжиме агонијата која и онака е неизбежна. Ќе ги истрошиме ресурсите кои сме ги имале на располагње да преминеме од една во друга индустриска епоха, нема да ги искористиме за напредок, туку за богатење, и ќе изумреме како диносаурусите. Поедноставно неможе да биде, нели? Освен ако се потрудиме да биде поинаку :)

Скопје, трошки низ интернет

2007-01-31T17:19:00.000+01:00

Решив постов даму го посветам на мојот град, инспириран од поканата која ја добив денес од Уфо да се зачленам на фото групата за Скопје, почнав да гуглам наоколу. Ме заинтересира The Master Plan for reconstruction of earthquake-stricken Skopje, изготвен од Кензо Танге.
Потоа го посетив неговиот сајт, видов како требало Скопје да изгледа, се потсетив како изгледа. Се замислив.
Продолжив да гуглам, налетав на текстот на Сузана Милевска под наслов "Skopje: The Heterotopia of Socialist Modernism", го прочитав и ми се допадна, дел е од THE. Си помислив колку ќе беше кул барем еднаш нешто да завршеле во овааа земја во која живеам, тогаш барем и мојот град ќе беше мало храбро архитектонско ремек-дело. Ќе се дискутираше за вкусовите, дали е убаво или не, ама барем ќе беше цело, завршено и комплетно.

После ми текна дека нешто сега ќе градат и преградуваат, што мислите, колку е неверојатно десницата да ја симне правта од The Master Plan for reconstruction of earthquake-stricken Skopje и да го доврши проектот за социјалистичка модерна хетеротопија. Мое Скопје, изгледа ќе почекаш уште некое време.

Во меѓувреме прошетајте по THE (the lost highway expedition), вреди, а да и работи на друпал :).

Мед без секира :)

2007-01-24T10:07:00.000+01:00

Ми дојде на Google AdSense, кога бев на Makfax, води тука, ама може да води и тука.

Знај да направиш разлика

2007-01-13T17:20:00.000+01:00

Има една реплика од мојот изгледа омилен филм во кој Мајкл Даглас во улога на американскиот председател ќе изјави

People don't drink the sand because they're thirsty. They drink the sand because they don't know the difference.

Гудбајтс го поставува прашањето мора ли Microsoft Office по повод двата листа огласи од на Владата на РМ за спроведување на програмата „Македонија - земја на информатичари“, а Новица ни ја презентира понудата како нејасна и недоречена, а плус има и печатни грешки, значи може да додадам дека е и избрзана.

Во ноември месец одржавме конференција за е-Општество.Мк 2006, беа донесени заклучоци во кои се вели дека е потребна политичка волја за спроведување на точките за кои и јас лично се залагав отворени стандарди и слободен софтвер. Оттука се поставува прашањето, дали луѓето присутни на конференцијата немале извршна моќ ( министерот за транспорт и врски си замина веднаш по воведната сесија, министерот Самак не се појави, а министерот за информатичко општество не беше избран), или пак заклучоците од конференцијата не биле доставени до истите оние институции кои се повикани да покажат поголема политичка волја и разбирање за овие многу важни теми за коишто ние дискутиравме два дена. Патем обидувјќи с да и објасниме на јавноста и ним колку всушност се битни за постигнување на очигледно истата цел која и ние и тие сме ја зацртале, а тоа е Македонија како информациско општество во која пред се економијата е базирана на знаење. Некаде не сме успеале да се разбереме. Нејсе.

Тука не смее да се заборави и пропустот на Слободен софтвер македонија во која изгледа членовите и јас малку се заморивме од зборување и објаснување на своите ставови, и убедување во врска со слободниот софтвер и отворените стандарди, можеби и оправдано кога нема повратна врска. Неодминилив и исклучитено важен е моментот на постоење македонска заедница на корисници и придонесувачи на слободен софтвер, но исто така е важен и моментот да им се објасни, покаже и на останатиот дел од јавноста што всушност ние тоа правиме, а уште поважно зошто го правиме.
Значи ние ( Слободен софтвер македонија) сеуште објаснуваме, Што? Како? Зошто? слободен софтвер.

И Слободен софтвер Македонија и Метаморфозис, не успеаа навреме да ги изнесат ставовите дека постои концептуална, етичка и пред се економска разлика во врска со употребата на слободниот софтверски пакет (Open Office.org 2.0) и отворени стандарди како форматот Open document (ISO 26300:2006), што оваа апликација го користи за запишување на текстот, табеларни пресметки, презентации и база на податоци, и тоа е факт. Но повторуваам сепак ништо не ѐ загубено, повторно треба да објаснуваме, и тоа ќе го направиме.

Од понеделник почнуваме со пеколно темпо, треба да се посочи разликата и придобивките со сите средства кои ни се на располагање да објасниме зошто треба да има обуки и за Open Office.org 2.0, кој ги снима документите во формати на документи според отворени стандарди и зошто треба да има поширока употреба на слободен софтвер.

Употребливост на web апликации

2007-01-11T18:20:00.000+01:00

Денесе Gmail повторно пријатно ме зненади кога добив емаил со приврзок, датотека во xls формат гмаил ме предупреди со следнава порака.

Два клика понатаму јас веќе гледам во мојот xls документ, без инсталации, без активации, без лиценции, без дополнителни малтретирања.

Еве што значи терминот употребливост на апликации, едноставна и лесна употреба, интуитивност и 0% фрустрации само така обичните и напредните корисници се среќни.

Искрено на употребливоста на гмаил можат да му позавидат и десктоп апликации како Outlook, Kmail или Thunderbird.

Погачата, ву(ј)ната, паричката,котлето..

2007-01-07T14:10:00.000+01:00

Откако почна да се расплетува клопчeто околу аферата со накршената погача и паричката кај опозицијата, не стивнуваат реакциите што доаѓаат од медиумите, политичките групации, партиите и олигарсите.

Потпаролот на најголемата владеачката партија иако е заминат на Куба, сепак успеа помеѓу две пури да го лиферуваа следново соопштение: Дека во случајот со мес(т)ењето на погачата не се работело за ву(ј)на, туку таа излегла директно од шпоретот во кујната на министерот за Америка, но неа ја измесила домашната помошничка што била во нивното семејство со години, инаку по потекло од Порторико, според тоа не станува збор за непотизам. За жал таа не била во можност да коментира бидејќи на го познава македонскиот јазик. Затоа тој ги отфрла сите заклучоци на Антикорупциската комисија како неосновани и додава дека нивните мандати се скоро истечени и конкурсите за нови членови се веќе распишани.

Од кабинетот на Претседателот известуваат дека тој е на службен пат во Ирак за да ги посети нашите сили во рамките на коалицијата, и дека ќе ги советува Ирачаните како да отворат синџир супермаркети Рамстор. Додава дека заради тоа не бил во можност да присувствува на накршувањето, а и онака и ветил на својата сопруга дека ќе ја проба конечно нејзината погача. Додаваат дека сепак ова е прв и последен пат да се случи ваков преседан тој да излезе надвор од земјава и дека отсега за да не го изостават повторно ќе си седи дома.

По заедничката прес конференциија на Царината и МВР, военото разузнавање во рамките на МО заедно со министерот за одбрана излегоа со демант и изјавија дека камионот со брашното не бил фатен на границата со Бугарија, туку на улицата Колекторска и дека брашното што било влезено во земјава, било истото брашно што ние им го пративме на бугарите далечната 1996 кога во нивната земја владееше суша и глад.

Од бугарското министерство за европски интеграции кое треба да биде распуштено на 1 февруари 2007, изјавија дека мораат да раскрстат со несреќните настани од минатото и затоа ни го враќаат брашното што ги потсеќало на гладот и сушата, бидејќи сега тие нешта се зад нив и ги чека светла иднина во рамките на ЕУ и жалат што еден ваков хуман гест од нивна страна повторно е тема на афери и негативен публицитет кај нас. Потсетија дека сепак тие се единствените што издаваат визи за ЕУ без паричен надоместок.

Од опозицијата дополнија дека за Василиса нивиниот лидер(ка), лично и рачно ќе месе погача, но овој пат со српско брашно тип 500 бидејќи на сакаат да се мешаат во европската погача од Бугарија и се среќни во балканската крчма.

Претседателод на ДИК повторно изјави дека не бил поканет. Од кампот за лустрација изјавија дека најверојтно некои од мес(т)ачите на целава афера се остатоци од старите комунистички/разузнавачки структури и дека затоа што побргу треба да се побрза со носењето за законот за лустрација.

Групата на монаси кои ја соблекоа мантијата и стана цивили останаа без коментар на сите овие настани.

Навистина се роди, а?

Среќни празници / Urime festat

2006-12-31T16:18:00.001+01:00

Happy New Year, originally uploaded by Carlfish.

Don't download this song

2006-12-28T08:44:00.000+01:00

Дами и господа Weird Al Yankovich

Don't Download This Song

Add to My Profile | More Videos

Да се остане во тек

2006-12-28T08:18:00.000+01:00

Ако Стојанче Димитровски кој има 14 години знае да инсталира Ubuntu GNU/Linux запрашајте се зошто не знаете вие
Ако истиот 14 годиншник знае удобно да користи Ubuntu linux запрашајте се зошто не знаете и вие.

Ubuntu GNU/Linux e убавото лице на слободниот софтвер, а на сподели знаење Стојанче и Уфо му вдахнаа живот на уште еден Ubuntu GNU/Linux инсталиран на компјутерот на Ана.

Од мое име и од име на Ана еве едно благодарам.

Нека биде open source

2006-12-22T01:06:00.000+01:00

Прво сакам да им се заблагодарм на сите што учествуваа во дискусијата од претходниот пост. Ги прочитав придонесите од сите посетители и навистина го ценам вашето внимание и труд обидувајќи се да ги искажете вашите ставови, мислења и полемики на овој блог, со вашето учество тој може да биде нешто повеќе од тоа што е, тој постои за своите читатели кои активно учествуваат во плодната демократска дискусија.

А сега за нешто навистина поинакво:

Иии Лазо му рече на Ченто, нека биде open source.
И така, би open source.

Ме сретна пред некој ден Миро, и ме развесели до солзи со овој виц, така што решив да го споделам со сите вас.

П.С. Еве реклама од 2 секунди која ќе биде доста ефектна. Миро само што им заштеди 2000€ на УНДП за нивната кампања за подигнување на свеста со организирње работлници за слободен софтвер.
УНДП средствата можат да ги донираат на следнава жиро сметка 210-0570883401-10.
Со назнака Донација за Слободен софтвер Македонија. :)

Ubuntu

2006-12-01T12:50:00.000+01:00

An African word meaning

I can't configure Debian.

Е-општество.мк 2006 ден 1

2006-11-16T12:24:00.000+01:00

Wow, what a day, what an experience what an exciting mix of ideas and personalities!

Денот 1 од конференцијата ми беше навистина интересен и возбудлив. Организацијата беше добро изведена до страна на Метаморфозис, со исклучок на тоа дека лаптопите беа со инстаиран Windows, а организацијата тврди дека се промотори на слободен софтвер. Тоa им беше кикс.

Ќе објавам и две сликички од мојата презентација, колку да си ги имам овде. Снимени се со мобилен телефон.

Откако заврши мојата презентација, се запознав со Деси Пефева од ИСОК Бугарија,презентерите од Романија и учесникот од Босна и Херцеговина, и конечно Марсел Марс и Томислав Медак од Мама,ХР две култни лица во онлајн светот особено на Хрватската сцена и секако Данијела Бабиќ од Zamir.NET. Подоцна ќе го збогатам постов со линкови до имињата и ќе ги наведам имињата на сите луѓе со кои што разменив искуство.

Момците од МАМА, ХР се топ! Како што кажа Миша, овие се Web 4.3 :).

Sun Microsystems ја ослободи Java

2006-11-14T00:22:00.000+01:00

Java е конечно слободен софтвер, лиценцирана под GPL v2.Одличен потег од страна на Sun, најпопуларниот програмска платформа издадена под најпопуларната слободна лиценца.

Ричард Сталман изјави

The Java trap won't exist anymore - it'll be a thing of the past...

Sun has...with this contribution will have contributed more than any other company to the free software community in the form of software.

Останува уште да видиме дали ова претставува disruptive ефект за понатамошна промоција на слободниот софтвер и негово промовирање како доминантен на пазарот.

Промоцијата можете да ја видите овде.

Доза саботна свежина и луцидност

2006-11-11T17:20:00.000+01:00

Сабота како сабота. По малку мрзливо, по малку мамурно од претходната бурна вечер, го земав купчето весници од масичката за кафе и се упатив да видам што се случува денес во мојата татковина видено низ призмата на новинарите. „Утринискиот“ го оставив за на крај, и самиот не знаев какво пријатно изненадување ме чека.

Листајќи така низ написите кои критички се осврнуваат врз владините политики, наидов на редовната колумна на Ивица Боцевски. Веднаш ја прочитав во еден здив, а заклучокот е дека претставува добро академско четиво, навистина здрава и стегната, полна со енергија и луцидност анализа на една од критиките на ЕК за земјата кандидат во која живеам. Си мислам. некако добро ми почна саботата.Иако се прашувам дали некој навистина ќе побара дообјаснување од ЕК?

Од блогосферата гледам дека и Новица му посветил внимание на текстот само не ми текнува на некој не-mainstream медиум кај нас?.

Java под GPL ?

2006-11-08T13:26:00.000+01:00

Според написов Sun Microsystems е на добар пат да го направи најдоброто нешто за Java платформата што воопшто можеше да го направи. Тоа не го исклучил ниту Џонатан Шварц.

Дека требаше да биде слободна немаше дилема, најголем проблем што Java-та како програмски јазик од политички аспект го имаше беше тоа што Ричард Сталман активно застана против неа, а зад него и The Free Software Foundation.

Сега ако навистина Java SE и Java ME биде издадена под GPL v.2 тоа ќе биде добро за сите. Ма не, тоа ќе биде супер за сите оние кои развиваа слободен софтвер со неслободна платформа. Последната пречка ќе биде симната.

Дали навистина Sun Microsystems ќе го направи вистинскиот чекор, токму месецов кога некои компании како Novell/Microsoft и Red Hat/Oracle отворија фронт кој може да донесе некои навистина непријатни нешта.

Неподнослива лежерност на владеењето

2006-10-21T16:55:00.000+02:00

Никогаш не сум се обидувал да подржувам конформисти и луѓе кои се подведувале под нечии правила, норми и влијанија, но секогаш сум се обидувал да не ја преминам фината граница.

Фината граница се наоѓа помеѓу неконформизмот и чистиот невкус, непочитување на нормите, правилата и воопшто непочитување на оној наспроти тебе, во овој случај граѓанинот.

Е сега погледнете ја сликата на министерот без ресор Веле Самак, најверојатно иден министер за информатичко општество , на официјалната страница на Владата на Република Македонија.

Кога одев во градинка мојата воспитувачка го користеше терминот „распашана команда“, кога ја погледнав биографијата и сликата на страницата некако тој опис беше првиот што ми дојде како асоцијација.

Следиот премиер, министер или претседател треба да се слика во долна облека или во пижами и тоа да се објави на некоја од официјалните странцици на секоја од овие институции?

Owned. Big time.

Web candle + monkey

2006-10-15T18:41:00.000+02:00

Не сум блогирам многу одамна, а компјутериве барем за едно нешто се немилосрдни што многу прецизно го мерат времето. Епа бидејќи помина многу време сакав да споделам нешто со вас сите на интернет.
Ме предизвика ова сликиче што го најдов на boing boing , пред да почнат со глупостите и да го „напстеризираат“ YouTube, еве со што се забавувавме јас и моите пријатели.
Не се сеќавам веќе од кај го закачив 3-тото клипче, знам само дека тагот беше web 4.5, ама со помош на кориснички ориентираниот сервис на YouTube, си ги најдов и останатите.

1. Претставување

2. Што значи да бидеш нинџа

3. Знаењето на нинџата

4. Нинџата и матриксот

Персоналниот компјутер наполни 25 години

2006-08-13T12:57:00.000+02:00

На 12 август 1981 година, International Bussiness Machines го претстави IBM Personal Computer, 25 години подоцна скоро 1 милијарда персонални компјутери се во употреба. Јас сум имал само една година, кога бил замислен и произведен, денес претставува значителен дел од мојот професионален и приватен живот. Автор на овој производ на IBM беше Don Estridge и неговиот развоен тим. Најновиот модел на Alienware Area51. Самиот факт што јас користам персонален компјутер за да го публикувам овој напис на интернет, зборува доволно какво влијание имал овој производ на сите нас, не знам дали зборот револуција доволно го опишува тоа. Сепак на 25 годишнината од раѓањето на персоналниот компјутер неговата иднина е неизвесна. Концептот кој произлезе од него донесе на технолошката сцена деривати во форма на преносни компјутери, лаптопи, џебни компјутери, и неговата дисперзија е се поголема. Иако во технологијата никогаш не може да се предвитат работите со точност, претпоставувам дека ќе се случи дисперзија на функциите кои моментално ги обединува персоналниот компјутер и полека ќе премине во уред за потрошувачи. Што доаѓа следно, претпоставувам е прашањето што ќе донесе уште повозбудлив и интересен одговор.

Изложбата по повод 25 годишнината ја има во музејот на IBM и на веб местотo на BBC.
Во постот се користени слики од BBC.

Светите тајни на Македонија

2006-07-11T11:52:00.000+02:00

Со нетрпение ги очекувам останатите три дена. До сега биле во Охрид и Кокино.
Репортажата можете да ја видите овде.

Централно-десничарската коалиција најави министерство за ИТ

2006-07-08T12:17:00.000+02:00

Во саботниот број на утрински весник беше најавено дека портокаловата коалиција што победи на 5-тите , парламентарни избори на 5-ти јули 2006, година најавува формирање на министерство за информатичка технологија во идната влада на Република Македонија.

Бидејќи се работи за област од мое најтесно професионално интересирање, сметам дека министерството подобро ќе биде да носи име Министерство за информациско општество, а не информатичка технологија.

Понатаму се надевам, а и ќе сториме се слободниот софтвер и отворените формати кои се спомнати со една реченица во Стратегијата за развој на информатичко општество, да го привлечат интересот на државната администрација за нивна поширока употреба.

Да почекаме да се состави новата влада, па да можеме да видиме кои ќе бидат нејзините ставови по ова прашање, по прашањето за договорот со Мајкрософт, и за употребата на слободен софтвер во државната управа и чувањето и дистрибуирањето на информации користејќи отворени формати за документи.

Според најавите нешто ќе се промени, останува да видиме и да дејствуваме таа промена да биде на подобро.

RAVE strikes back

2006-07-08T12:00:00.000+02:00

Rex the dog
Originally uploaded by stojmir.

Заборавив комплетно на ова. Се случи пред две недели беше неверојатна лудница. Свежо, моќно и модерно.

А искуството rex го објавил на неговата страница, има и линк до ова клипче, а во клипчето има едно типче ;-).

Скопје знае што сака, за жал ретко кој може и тоа да му во овозможи.

Молк

2006-07-04T09:33:00.000+02:00

е-Не

2006-07-02T17:40:00.000+02:00

Предупредување:Тривијалност

Денес присувствував на интересна случка. Во супермаркетот во трговскиот центар Рамстор пред мене на каса се погоди да се построи во редот господинот Илијанчо Гаговски, директор на Мајкрософт Македонија Д.О.О.Е.Л. Ги извади продуктите од својата кошничка за купување и токму кога требаше да ја плати сметката, откако фината и насмеана касиерка му ја кажа сумата за наплата, човекот посегна во својот џеб и на мое изненадување извади... кеш, плати и си замина.

Да, и покрај сите заложби за економија базирана на знаење, електронско ова или електронско она, директорот на Мајкрософт Македнија користи кеш.

Потоа , јас дојдов на ред, ги изброи касиерката и моите производи, јас и ја дадатв мојата дебитна Visa electron, чекав 2-3 минути за ISDN линијата да провери и изврши трансакција, го впишав пинот, почекав уште 1-2 минути, за да ја извади сметката , потоа, иако внесов пин повторно ме убеди дека треба да се потпишам, се потпишав. Кога завршивме редот веќе беше поприлично голем, а и значително нервозен од моето одолговлекување.

Дали кај нас тешко се менуваат навиките или едноставно нема никаква шанса помасовно да се употребуваат електронските картички за плаќање, а не само за вадење кеш од АТМ-ите низ градов?

Ама изгледа дека, кога и првиот човек на Мајкрософт Македонија не ги користи придобивките на економијата базирана на знаење и не ги применува принципите и начинот на тргување во едно е-општество, тогаш изјавите што ги дава на телевизија и по печатени медиуми се само чиста демагогија. Да, очигледно ништо повеќе.

Денес Илијанчно, вака предизборно направи едно е-Не, за информациското општество во Македонија, а само пред два дена во петокот изјави дека нашиот ИКТ сектор веќе орераснаво индустрија, треба да му веруваме?

Јас мислам, е-Не.

Белгија: Федералниот одел за ИКТ го одбра ОДФ

2006-06-26T14:23:00.000+02:00

Белгиската федерална влада препорача задложително користење на Отворениот формат за документи (ОДФ) од 2008 година. Позначајни апликации кои во моментов го поддржуваат ОДФ, се Open Office 2.0 и KOffice 1.5. И двете аппликации се достапни на македонски јазик.

Во текстот се споменува дека и Данска и Франција размислуват за сличен потег.

From September 2008 onwards, Belgium's federal services must use ODF when exchanging documents, though other formats will still be allowed for internal use, Strickx confirmed.

Извор: Cnet

Национaлни хазардери

2006-06-24T16:03:00.000+02:00

Гледам дека изборите се сериозно запоставени, од потенцијалното гласачко тело, од едноставна причина што сите гледаат фудбал. Затоа директно засегнатите од избориве френетично се зафатиле да им го одвратат вниманието, ќе направат се да ја постигнат својата цел да бидат поважни од светското првенство во фудбал 2006. Устите им се полни со демократија и европска иднина, а секојдневно практикуваат нетолерантност, непочитување кон останатите учеснини во изборите, а најстрашно од се закани, оружје и насилство.

Никако нивните закржлавени умови да ја напуштат балканската крчма. Најстрашно од се, изгледа дека не ги погледнале ниту сопствените спотови и рекламни материјали, колку да се потсетат за што се залагаат. Поприродно им е да се зафатат за стап, отколку за мудро срочена академска дискусија.

Кој и да ги добие изборите на ваков начин, ќе ја загуби европската перпектива на мојата земја. Во моите очи, овие избори се веќе недемократски, не знам како некој може да ги прогласи за поинакви. Недемократски се поради тоа што сите учесници сакаат такви и да бидат.

Инаку, сакам да гласам, навистина сакам, одлучив дека сепак на некои прашања можеби треба да се обидам да им го дадам заслужениот одговор. Затоа решив да направам една иста, за кого нема да гласам, за да знам што ми преостанува:

Нема да гласам за насилници
Нема да гласам за несериозни
Нема да гласам за необјективни
Нема да гласам за неработници
Нема да гласам за демагози
Нема да гласам за тие што нема да ми понудат модерна перспектива
Нема да гласам за оние што повеќе се плашат од заканите од „меѓународната“ отколку од волјата и мудроста на сопствените гласачи

Меѓутоа кога го погледнав списоков, изгледите прашањето за 2006-2010, да заслужи одговор, се подеднакви со шансите мојава земја да добие оценка дека организирала и спровела демократски избори, без насилство и изборни нерегуларности.

Трилион можности, ниедна на кирилица

2006-06-15T02:45:00.000+02:00

Стандардна ИМ сесија, јас и соговорникот од другата страна на интернет врската. Разменуваме неколку пораки и одеднаш ej chekaj nishto ne razbiram od ova shtо mi pishuvash. Добро ќе преминам на латиница, а за информација каков ИМ клиент користиш. Трилиан, аха добро.
Слeдниот пат разговор со друга пријателка, после правата порка, ???? gledam samo prashalnici nishto ne razbiram. Добро што користиш? Трилиан. Неее.

Хм. Во двата случаја одговор на прашањето , зошто употребуваат Трилијан е можноста за поврзување на сметки од повеќе ИМ мрежи во една. Но има два големи минуса,

Трилијан не е слободен софтвер
Трилијан не поддржува кирилица

Е па, драги мои пријателки и пријатели, има добри вести за сите вас. Софтвер кој е слободен, поддржува транспорти за jabber, MSN, Yahoo, ICQ/AIM, Google talk, пренос на датотеки, а со малку повеќе труд од ваша страна и аудио разговори преку google talk. Да, се разбира дека постои таков софтвер.
Повелете ,отсега па натаму, користете Psi, вашето швајцарско ноже кога станува збор за ИМ. Psi ИМ клиентот е jabber клиент, кој подеднакво ефикасно работи на слободни GNU/Linux оперативни системи, MS Windows како и Mac OS X.

Тековната верзија е 0.10, има и превод на македонски благодарение на Новица.

Дополнување:
Кај Дамјан, имате нешто повеќе информации на македонски, за Jabber системот.

Враќање во иднината

2006-06-13T10:59:00.000+02:00

Почнав да го средувам малку, по малку акаунтов на блогер, за да се вратам на блогирањето.
Ја средив темата, ќе ги средам и постовите наскоро и најверојатно ќе го закачам на планета, бидејќи нејзините жители почнаа да се враќаат таму.

Некако сакам да напишам неколку работи, кои ми се провлекуваа изминатов период.

Наскоро и тоа ќе биде...

4 години XML-RPC

2006-04-04T17:36:00.000+02:00

Интересно навраќање на почетоците на XML-RPC, навистина корисно и едукативно четиво, како малите и пред се едноставни концепти доведуваат до навистина големи промени.

Околу и пред „Скомрахи“

2006-03-30T14:35:00.000+02:00

Алелуја!
Читајте, квази уметници, мрзливци и останато!
Престанете да се закачувате на државна цицка, и да ја цицате до пресушување. Престанете по семејна линија да го правите она што го правеле, вашите таткови, мајки, вујковци и вујни.
Фуј, шљаму!
Растрчајте се малку во овие нови времиња и снаоѓајте се!Доста ги трошите моите, чесно заработени пари! Подржувам сопирање на секаков начин на финансирање на вакви и слични културни настани под превезот на националната програма за култура. Овде нема ништо национално, овие се една група на луѓе кои паразитираат на државна цицка!Хеј, полесно можеш да отидеш на турбо фолк(скраја да е), да купиш дрога или да се алкохолизираш во маало. Оваа „култура“ и е недостапна на пошироката јавност, затоа треба веднаш да се престане со нејзино финансирање од државниот буџет! Најдете си пари, правете си култура. Јас моите културни потреби од вас и така не можам да ги задоволам.
Моите 18% од ДДВ, 15% персонален данок, 1,6% придонес за вработување не сакам да им ги давам на овие лигуши за потоа да не можам да го проследам она што сум го платил.
Даночен обврзник Игор.
П.С. Коља барем зима пари од странство, ама кај него никогаш вратите не биле затворени!

Блогирање од word

2006-03-28T12:01:00.000+02:00

Тестирам блогирање од Word!
(image placeholder)

НСИО/НПИО Криза

2005-02-10T13:24:00.000+01:00

Таск-форсот на 28.02.2005 го усвои следниов документ кој заедно со стратегијата и акциониот план ќе бидат основа за развојот на информатичкото општество во Република Македонија.

ВИЗИЈА И МИСИЈА
Визија: Придвижување на Република Македонија кон економија базирана на знаење преку одржлив развој на информатичкото општество.

Се е тоа фино само да ја погодевте годината , драги наши 2005 е (дот ком бумот ) се случи 2000. Значи доцните барем 5 години, да видиме подолу какви ќе бидат реперкусиите од ова. ( Зошто придвижување, уште колку годнини ќе ни треба или сметате дека ќе ви бидат потребни да не „придвижите“???) . Моја верзија :
Мисија: Република Македонија, економија базирана на знаење преку одржлив развој на информатичкото општество.

Мисија: Создавање соодветна средина за информатичко општество.
Млако, излитено и ставено на центрифуга. Мене би ми било срам од ова. Од погорната визија следи оваа апатична и безидејна мисија. Рокови?
1 ВОВЕД
Информатичкото општество е плод од промените во користењето на новите информатички и комуникациски технологии. Глобалните комуникации, електронската комерција и Интернетот се придобивки на развиениот свет, обезбедувајќи повеќе благодети, развој и демократија. Светот во новиот милениум го карактеризира процесот на глобализација којашто претставува резултат на технолошкиот развој и политиката на либерализација. Во тој свет, информацијата претставува клучен ресурс, а знаењето и способноста за учење и усовршување, клуч за конкурентни предности.

Фино срочено. Онака академски. Ми се допаѓа! Добра проза.

Република Македонија преку Националната политика за информатичко општество (НПИО) се вклучува во глобалните развојни процеси.

Ок. Само уште не ми е јасно НПИО или НСИО? Овде е НПИО во други документи е НСИО? Политика или стратегија? Или Policy го преvедувате како статегија па сеа некој се збунил.

Процесот на развивање на НПИО се базира на реалноста и потребите на локалната средина, на реални проценки на способностите, ресурсите и потенцијалите на сите субјекти во изградбата на информатичкото општество.
НПИО е документ кој треба да се интегрира со другите развојни стратегии во државата, поддржан од сите политички субјекти со консензус, со цел да овозможи имплементирање на сите зацртани програми, проекти и иницијативи за придвижување кон информатичкото општество. Исто така, овој документ ќе придонесе за поврзување на активностите од областа на информатичката и комуникациската технологија (ИКТ) во Македонија со програмите, проектите и структурните фондови од ЕУ.

Повторно доцниме ЕУ има вакви програми од 2000 година, за членките на ЕУ, за кандидатите кои 2004 година станаа членки и за ЈИ Европа, одн. E Europe, e – europe +, i e-seeEurope . Ние ако не се лажам треба да учествуваме во последново, но дали го правиме тоа или не и авторите на овој доикумент очигледно не се запознаени со тоа. Значи џабе пишување ако веќе не сме се активирале кога ни била понудена шанса. Тажно.

Овој документ овозможува ефикасна имплементација и користење на ИКТ кај сите субјекти во Република Македонија, со што ќе се стимулира конкурентноста на Македонската економија, транспарентсноста и ефикасноста во работењето на Владата и учеството на граѓаните во градењето на општеството.
Изградбата и развојот на информатичкото општество се дефинирани и потенцирани во неколку документи прифатени од Република Македонија: Aкциониот план на Европската комисија eEurope 2005, Завршната декларација на Светскиот самит за информатичко општество (WSIS) Женева 2003, Aкциониот план на Комисијата за информатичка технологија 2003-2007, Договорот за стратешко партнерство со компанијата Microsoft и Владата и усвоената декларација од Собранието на Република Македонија ”е-Декларација 2002, Препораки за забрзан развој на информатичко општество и дигитална економија во Република Македонија како национален приоритет”, како и други договори и конвенции ратификувани од страна на Република Македонија.

Што од погорниве иако сме ги ратификувле сме исполниле како дршава, општество, граѓани? Мојот заклучок, ништо.
Договорот за стратешко партнерство со Мајкрософт не се почитува и ниту НПИО/НСИО, ниту пак некој суд ќе може да го натера на тоа, нема преведни програми нема попристапни компјутери на македноски јазик, ако сте одбрале да го користите оперативниот систем виндоуз, или пак со овој договор ви станал задолжителен. Ова можеби е добро, меѓутоа мајкрософт ги присилува сите да купуваат софтвер кој неможат да го користат на мајчинот јазик, се со помош на владата .
Од е -декларацијата повторно нема ништо, нема анализа колку е исполнето, а донесена е сега веќе далечната 2002 година. Зарем 3 години поминале од тогаш и ние повторно пишуваме нова стратегија без да се исполни старата, или без анализа и ефектиа од неа. Која е поентата? Кој сака толку силно да удираме со глава во ѕид додека не ни се распукне. Бидејќи е очигледно дека некако не не боли чукањето.

2 ЦЕЛИ
За остварување на визијата и мисијата се планира постигнување на следните цели до 2007:

ДОЦНA!

• целосно либерализиран пазар на електронско-комуникациски услуги (2005);

Нема шанси без закон за електронски комуникации, кој е повторно повлечен од собраниска процедура, се разбира со посредство на 42 милиони евра дивиденда. Баш би сакал да видам како ќе се постигне ова во нашава крајно стерилна и апатична ИКТ заедница.

• значително зголемен број на интернет корисници;

Без погорново нема шанси, се кладам у 12 он.нет бумеранг картици, барем така поевтино ќе сурфам на интернет се разбира на неверојатни 56к! ( јас сум барем среќник, остатоток од моите пријатели сурфаат на 33.6К и на значителни 19.2К се со посредство на Т – МТ ( јас прв да го употребам ова име да се навикнуваме) и нивната state of the art PCM технологија ( станува збор за карпош и хром и многу други)

• воспоставени електронски сервиси за јавни услуги;

Dream on, dream on. (саркастично. заб. на авторот.)

• имплементирани приоритети за одржливост на стратегијата и акционите планови за Информатичко општество.

А како, како?

3 ОСНОВНИ НАСОКИ
3.1 ИНФРАСТРУКТУРА
Обезбедена современа, лесно достапна и прифатлива ИКТ инфраструктура достапна за користење под еднакви и недискриминаторски услови преку:
• прифатливи цени за користење на интернет и останати електронски комуникациски услуги;

• континуирана и одржлива поддршка на ИКТ инфраструктурата;
• воведен протокол за електронски комуникации меѓу деловните субјекти, граѓаните, јавната администрација и невладиниот сектор.

Каков протокол? Микрософт базиран? Зошто нема ОТВОРЕН протокол? ОТВОРЕН, ви текнуе? Иуште еднаш ќе напишам ОТВОРЕН или базрина на ОТВОРЕНИ стандарди, за тие кои го пишувале договорот со мајкрософт и користат виндоуз на англиски ќе напишам и OPEN PROTOCOLS!

3.2 Е-БИЗНИС
Воведувањето на е-Бизнис треба да го подобри економскиот развој со обезбедување на
подобра економска ефикасност, конкурентност и профитабилност преку:
• значително ре-организирани и подобрени бизнис процеси со соодветни модели за имплементација на е-бизнис во компаниите и
• електронска поврзаност меѓу деловните субјекти, граѓаните, јавната администрација и невладиниот сектор.

Овде не се мешам секоја компанија си ги знае своите мани и предности, но со ваков телекомункациски пазар, немаат шанса за е-бизнис, на нашите фирми телофон им е скапо да користат а камо ли интернет. Ало?

3.3 Е-ВЛАДА
Ефикасно и транспарентно работење на Владата отворено за учество на граѓаните, кое ќе обезбеди подобри електронски услуги за граѓаните и бизнис заедницата, преку:
• овозможени услови за учество на граѓаните во информатичко општество;
• обезбедено ниво на on-line трансакции во давањето на електронски услуги кои ги нуди Владата;
• политичка, институционална и регулаторна рамка;
• континуиран развој на национална ИКТ мрежа на државни институции во функција на ефикасна и безбедна размена на службени информации и податоци;
• обезбедување нови, подобри и поефтини сервиси кои стимулираат економски и социјален просперитет.

Овде мајкрософт ќе ја поколопи целата работа и тогаш тек ќе видиме ТАПА!!!

3.4 Е-ОБРАЗОВАНИЕ
Развој на современ и прилагодлив образовен и истражувачки систем и поттикнување на ориентираноста кон ИКТ во образованието, науката и културата :
• значително зголемено ниво на ИКТ писменост на граѓаните; ( е па еве , зошто е-граѓани има посебно?)
• воведување и усогласување на стандарди за е-Образование;
• структурален и содржински развој и зголемена присутност на ИКТ образованието на сите нивоа;
• потикнување на современи и флексибилни форми на образование со помош на ИКТ: континуирано учење, учење на далечина, преквалификација итн.;
• континуиран развој на националната академска истражувачка мрежа како носител на современо и ефикасно делување на субјектите во образованието на национално и глобално ниво.

Овде може најмногу да се направи, и овој дел треба да завзема најголем простор
е-бизинис 5%, е-влада 5%, е-образование 70%, е-здравство 5%, е-култура 15%( е-граѓани е тапа да им пошто има е-образование и е-култура? Не се граѓаните идиоти па да не знаат што да прават )
Скинете ги даноците од 18% на 5% или на 0% за комјутери и софтвер, скинете данок за интернет услуги, намалето ја цената за пристап на интернет, воедно воведувајчи евтин broadband (субвенции, кога мож е за струја може и за интернет и ќе видите што ќе се случи) нема интернет револуција да има ни по 2007 ако не се направаат овие две работи, останатото е само лет во место.

3.5 Е-ЗДРАВСТВО
Воспоставување и унапредување на врските помеѓу субјектите во здравствениот сектор и создавање на флексибилна околина за постoјано унапредување на сервисите преку воспоставување на:
• единствен систем за шифрирање и идентификација по електронски пат;
• усогласени технолошки платформи и размена на податоци според дефинирани протоколи;
• електронски сервиси за граѓаните и создавање на предуслови за телемедицина.

Ова е ок, ама наместо лични карти и возачки дозволи и здраствени книшки, треба да с е донесе универзален документ. Чип картичка која ќе ги содржи сите овие документи во едно, со различни нивоа на пристап, за службени лица, лекари и сообраќајци, ама доста ви давам идеи па вие ништо не сте смислиле. Тендерот за лични документи си тече вие ќе ја чекате 2007, ако чекајте. За ваша информација 2000-та инаку помина пред 5 години.

3.6 Е-ГРАЃАНИ

За граѓаните на Република Македонија да бидат чинители на информатичкото општество потребно е: • градење на кохерентни политики за сите сектори да нудат е-услуги коишто ќе бидат унифицирани, стандардизирани, едноставни за користење, независни од софтверска платформа, достапни за сите граѓани без оглед на нивната локација и социјален статус, имајќи ги во вид потребите на граѓаните; • континуирано создавање на поволна околина и пракса на добро раководење за да може со помош на ИКТ-алатките граѓаните да партиципираат во целокупните општествени процеси како и во процесот на донесување на одлуките на локално и национално ниво.

Ова не треба мене ми се поколпува со Е-образование кое треба да се подели со на Е-бразование и Е-култура.

3.7 ЛЕГИСЛАТИВА
Донесување на легислатива којашто ќе биде во согласност со меѓународните конвенции и договори кон кои Република Македонија има пристапено или ратификувано и легислатива која ќе биде во целост хармонизирана со директивите на ЕУ за информатичко општество и за економија базирана на знаење.
Особено, легислативата ќе обезбеди:
• демонополизирање на пазарот на електронско-комуникациските услуги и спречување на ограничување на конкуренцијата;
• заштита на правата на интелектуалната сопственост, базите на податоци, безбедноста на информациите и приватноста на податоците;
• заштита од компјутерски криминал;
• електронско деловно работење.

Ова е ок, ама кој ќе ја донесе легислативата коа еден закон за електронски комуникации неможете 1 година да го донесете.

4 ПРИОРИТЕТИ ЗА ОДРЖЛИВОСТ
4.1 ИНСТИТУЦИОНАЛНА РАМКА ЗА РАЗВОЈ НА ИНФОРМАТИЧКО ОПШТЕСТВО
За самоодржлив развој потребна е рамка, составена од два дела – законски и институционален. Поради тоа, неопходни се две основни компоненти:
• легислатива за информатичко општество во Република Македонија – како стимулација за самоодржлив процес за развој на информатичкото општество и како рамка која ќе ги содржи основните стандарди врз кои ќе се базира изградбата на информатичко општество во Македонија;
• формирање на институција за развој на ИКТ со цел пратење на развојот и имплементацијата на ИКТ и НПИО.

Има институција КИТ, што ќе вие нова, ширете ја, теснете ја, ама таа ви е. Зошто мора нова да правите, пак ли со бирократија ќе се занимаваме, акција е потребна за нашава ИКТ заедница, само толку!

4.2 КАМПАЊА ЗА ГРАДЕЊЕ НА СВЕСТ ЗА ПОТРЕБАТА И ЗНАЧЕЊЕТО НА ИНФОРМАТИЧКОТО ОПШТЕСТВО
Оваа компонента укажува на реализација на широкоопфатна кампања со цел запознавање на јавноста за придобивките од информатичкото општество во Република Македонија во целост.

Свест фала богу имаме, ама доста од кампањи и лепење плакати (за хартија се сечат дрвја ако не сте знаеле) само пари на глупости да трошите, па што не потценувате нас граѓаните на оваа држава. Па сурфаме и ние на 56к, некој фала богу и на адсл, а и кабелскиот го има на секои два дена.

4.3 ОДРЖЛИВО И СООДВЕТНО БУЏЕТИРАЊЕ И ФИНАНСИРАЊЕ
Буџетирањето и финансирањето треба да е обезбедено преку сигурни и постојани извори на финансирање. Овие фондови треба да се обезбедат на различни начини од: Владата, приватниот сектор и меѓународните донаторски институции.

Ајмо наши ИКТ-овци растрчајте се малку па барајте пари.

4.4 МОНИТОРИНГ И ЕВАЛУАЦИЈА
Развој на процес за постојан мониторинг и евалуација на постигнатите резултати во развојот на Информатичкото општество со нагласено задолжително користење на повратни информации (индикатори) за креирање на идните политики, стратегии и планови во Република Македонија.

Бла!
Па мојава евалуација некако слабо ја поминавте, ама не се обесхрабрувајте ако ме демантирате по сите основи јас ќе бидам најсреќниот ИКТ-овец оваа година.

6 месеци грејс период

2005-02-07T11:03:00.000+01:00

После 6 долги месеци офлајн блогирање, повторно се враќам на мрежата.

Уште да поевтинеше интернетот ќе беше побогато блогирањето, но јас ќе се трудам тоа да се случи што порано и побргу.

Пошто од јануарската сесија ми остана уште 1-2 испита а толку и до крај ќе се позанимавам уште кој ден со тоа па продолжуваме со вистинска работа.

Очекувајте и коментари за НСИО/НПИО многу скоро да бидат објавени на овој блог.

Дигитално Ваш
ассист

cybertronix

Победа !!!!

2004-07-07T10:37:00.000+02:00

Вчера со 2:1 (јас, зоц и коле и уште еден тип : даниел, друг тип, лука) ги искршивме го Command&Conquer Generals:Zero Hour. Сепак и покрај победата и несразмерниот однос на играчи поразениот тим добро се држеше и пружи значителен отпор. Второнаведениот тим успеа дури и да победи една партија, а една партија остана нерешена поради топлото време и рестартот што поради тоа го доживеа една од машините.
Возбудата и адреналинот беа правопропорционални со температурата на воздухот, која веќе сте ја чуле колку изнесува од извештајот на дежурниот синоптичар од УХМР.

Дознав дека сум положил ДПИ1 што значи ќе треба да учим усно за во петок, што сепак е малку досадно ама ќе се залажувам себеси дека ми е интересно и дека ќе стигнам да го прочитам материјалот(потенцирам да го прочитам).

Во следниот пост повеќе за инсталацијата на инфраструктурата на appserv9iR2 ...

Останате ми со здравје пред вашите монитори,

Ве сака
assyst

Инсталација на Red Hat Advanced Server 2.1

2004-07-05T12:52:00.000+02:00

Од сабајле се зезам. Прво се зезав со Билјана. После дојде Јована па се зезавме со неа. А од 12 Ч навака ме зеза Red Hat-0т, сеа му ставив инсталaција и одам по следниве документи:

1. TIPS: Install & Configure Red Hat Linux Advanced Server 2.1 for Oracle 9.0.2 and Above и

2. Oracle Metalink си симнав документ 9IAS Release 2(9.0.2) Installation review for Linux AS.21 Doc ID:191567.1

Е па толку за првиот блог, ако не ме замрзе ќе продолжам да пишувам блогови, ама не се знае.

А да и Грција победи во фудбал. Не дека јас многу гледам фудбал, ама коа може Грција, значи се е можно и сите опции се отвoрени. И јас до крајот на денов би требало да имам активна инфраструктура на Oracle 9i Application server release 2. Нека постои.